პიერ პაოლო პაზოლინის, ცნობილი იტალიელი რეჟისორის, მწერლისა და პოეტის რომანი „ქუჩის ბიჭები“ 1956 წელს გამოქვეყნდა და მკითხველის ყურადღება მალევე მიიპყრო. თუმცა, რომანს მწვავე კრიტიკა მოჰყვა და ავტორს სასამართლოში უჩივლეს.
რომანის მოქმედება 1940-50-იან წლებში ვითარდება. ჩვენს თვალწინ გადაიშლება ომის შემდგომი რომი, ღარიბი გარეუბნებითა და ქუჩაში მოხეტიალე ნახევრად მშიერი ბიჭებით. ამ ბიჭების ერთადერთი საზრუნავი გადარჩენაა და ისინი ამისთვის არაფერს ერიდებიან.
