„ბნელი კოშკის“ მესამე ნაწილი, „უნაყოფო მიწები“, ჟანრობრივად მრავალფეროვანია. სტივენ კინგი, სათავგადასავლო მოტივებთან ერთად, ფსიქოლოგიურ-ფილოსოფიურ პლასტებსაც გვთავაზობს.
წიგნი იწყება „სამის გამორჩევაში“ აღწერილი მოვლენებიდან რამდენიმე კვირის შემდეგ და მოგვითხრობს როლანდის ახალი „კა-ტეტის“ (მისი მეგობრების ჯგუფის) ჩამოყალიბებასა და მათ ლაშქრობაზე „ადგილიდან დაძრულ სამყაროში“, რომელიც პოსტაპოკალიპსურ სამყაროს მოგვაგონებს.
