სტივენ კინგის რომანების ციკლი „ბნელი კოშკი“ ფენტეზის, სამეცნიერო ფანტასტიკის, ჰორორის, ვესტერნისა და მელოდრამის ნაზავია. ის მოგვითხრობს როლანდ დისქეინის თავგადასავალს ბნელი კოშკის ძიებაში, რომელიც ყველა სამყაროს შემაკავშირებელ ღერძად ესახება.

„სამის გამორჩევა“ ციკლის მეორე წიგნია. პირველი წიგნის, „მსროლელის“ ბოლოს, შავსამოსიანი კაცი როლანდს ტაროს კარტით უმკითხავებს და მომავალს უწინასწარმეტყველებს. ის როლანდს სამ უჩვეულო კარტზე – „პატიმარზე“, „ჩრდილების ქალბატონზე“ და „სიკვდილზე“ ამახვილებინებს ყურადღებას. „სამის გამორჩევა“ ამ წინასწარმეტყველების ახდენაზე მოგვითხრობს – როლანდის მეორე ნაბიჯზე კოშკის ძიებაში.