ეს დამხმარე სახელმძღვანელო განკუთვნილია მოსწავლეებისა და აბიტურიენტებისთვის, რომლებსაც სურთ, საფუძვლიანად შეისწავლონ ქართული ენის გრამატიკა. ბოლო წლებში სკოლებში გრამატიკისა და ლიტერატურის ინტეგრირებულმა სწავლებამ გამოიწვია გრამატიკის არასაკმარისი ცოდნა, რაც აფერხებს წერით და ზეპირ მეტყველებას, ასევე უცხო ენების შესწავლას. ამ ხარვეზის აღმოსაფხვრელად შეიქმნა ეს სახელმძღვანელო, რომელიც მოიცავს მორფოლოგიასა და სინტაქსს. წიგნში განხილულია ქართული ენის სინტაქსის ყველა მნიშვნელოვანი საკითხი, სქემებისა და თვალსაჩინოებების საშუალებით გაადვილებულია მათი ათვისება, მოცემულია საკითხის გასაანალიზებელი სავარჯიშოები, ცოდნის შესამოწმებელი ანალიტიკური კითხვები და ტესტები. იგი განკუთვნილია მასწავლებლებისთვის, მოსწავლეებისთვის, აბიტურიენტებისა და ქართული ენის შესწავლით დაინტერესებული პირებისთვის, რათა დაეხმაროს მათ სწორი ქართულით წერასა და მეტყველებაში.